نص حبي الك ما حبتك امك

ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحص وشوفه دمي لو دمك .؟



عليه اتعودت وبدوني راح تموت
لحد الموت من حبي ولا افطمك
اني العلمك تتهجم على الحب
غيري اللي يجي ماتكولي شيعلمك



حازم


من \قد ما احبك خفت لا تنشاف
وخليت القلب وسط القلب ضمك
ياماي وتبده ونشف ويه الروح
هذا انته حبيبي وقلي شيلمك
تخجل منك الريشة ويضيع اللون
اذا رسام مره يحاول يرسمك
يسمونك هوه صدكني غلطانين
لان انته الهوى يحتاجك .. يحتاجك يشمك

حاتم

قبلك جنت احب وكني ماحبيت
لان شفت القلب مثل الطفل يمك
ما احرك رموشي كبالي من تصير
اخاف بلحظة اندم ماشفت رسمك



افرشلك عيوني ويه جفني تنام
واقولك اخفه بيه وقولشي لايهمك
دخذ مني جرح وأذكرني بيه ارجوك
يظل ينزف عطر لو فكر يلجمك

حازم




يا أول عنودي اعناده أموتن بيه
فاهم قولشي بيه وقلي ما افهمك
لو غيرك حنين وياي ما اهواه
ولو تظلمني اقولك قابل بظلمك
ضواك يشع براءه يغطي كل الكون
الشمس تبدي بجبينك تنتهي بجدمك
الله منزلك مفصلك علي تفصال
وعلى قفل الكلب مفتاح ومرهمك


حاتم

ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحصه وشوفه دمي لو دمك .؟



عليه اتعودت وبدوني راح تموت
لحد الموت من حبي ولا افطمك
اني العلمك تتهجم على الحب
غيري اللي يجي ماتكولي شيعلمك



مع تحياتي سراب الليلAK