انت ولا شي؟؟؟؟؟؟؟؟

والله وصرتي تستهينين فيني
وأنا الذي سوّيت لك قدر بيدي

تدرين وش كنتي قبل تعرفيني
إن قلت لك كنتي ولا حاجة ...شوي

أنــا الذي فرشت لك رمش عينــي
وعملت منك شــي وأنتي ولاشــي

جيت أعشقك مــا جيت لك تحقريني
جيت اسكنك بسمه مـــا هو باأسكنك غي

مـا دمت عـامل لك قـــدر قـدريني
تـرى الكرامـــة صفحـة مـالها طــي

ان كان ماجيتي غلا .. لاتجيني
نـــار الفـراق ارحـم من الــذل بالفي

والله لأهجــرك قبــل لا تهجريني
أجـل تبيعينـي وأجــي لك برجلـي

يـــا تتركين الكبر .. يـــا تتركيني
لأن المحبـه شي .. والمهزلـه شي

لاصارت الدعوة غلاي وحنيني
يمكن يـزول الحقـد ويشعشع الضـي

لكــن حكاية ينحنـي لك جبينــي
في ذمتي .. مـــا ينحني لك وأنا حــي



تحياتي للجميع بنت المملكه